長洲半天遊

今日有任務,入左長洲一趟

都唔記得有幾多年冇去過囉!因為就到太平清醮醮.未開始坐船,

係中環碼頭已經布置得好有中國節日氣氛!

一張張(一疊疊)許願簽
咦!中理幾時多左幢白色的商業大廈??

噢~原來係一座假包山!

落船啦!
行冇兩步就見到呢兩隻相親相愛既烏卒卒貓!

兩隻塊面鬥黑!我影相時,隔離仲有個亞伯一齊影添(佢都係用dc架!) 經過面包鋪,見到一幢幢的蒸籠

仲有d未蓋紅印的平安包,白雪雪咁~

即刻買番個先!仲暖粒粒架!

個平安包,之後當然好平安咁落左個肚啦^^

真係包影處處呀!

拿,呢三座就係偉大既包山~!!~高到丫!三座包山d包,原來係有膠袋獨立包裝的,應該係之後用黎派比人的
e座...係球場度的包山,有條縄,唔知係用黎練習定係過兩日用黎比賽用的?
隻傻貓,係地下殊殊完之後,刨沙足足刨左成個字,等左好耐佢先擔高個頭望下我
除左三個輪的摩打運貨車,長洲第二種車就係呢d

我見過有幾架呢d白色車,全部都係安老院用黎接載d老人家出入用的

^^haha全程最大收獲:平安包豆豆cusion一對!

另外仲買左一把扇,同買左個大風車轉轉運

話時話,買左個大風車之後,即刻走去扭蛋,真係想果隻中果隻喎!! 香港著名的大鬚刨!!