定過台油!

每次帶亞餃出街,佢都一定鬼渣咁叫
雖然大廈比養貓,但係佢實在叫得太恐怖,好似一路比人追殺咁,又好似d細路跌親好痛咁,總之大聲到由地下到天台都聽到佢把聲~_~
所以每次出街,都會快手快腳咁標出大堂,而且,搭親的士,都有一半機會因為佢太嘈而比司機按例收佢5蚊的士錢@@
反觀臭米仔,由出世到而家,大大話話都出過成十次八次街
每次都穩穩當當,冇聲出!唔知係見慣大場面定係驚到唔識叫,總之靜到可以搭地鐵都唔會比人發現!
今朝亞米仔又靜雞雞咁運左去診所,下午佢又會靜雞雞咁返屋企-_-
唔知今次亞餃姐又會唔會唔認得細佬呢?