近來忙這個

不停的跟管理處交涉
業主一直說租客不在,不能維修
足足個多月,那有租客一個多月不在家?
之前買新貓廁是因為內部牆身滲水,我們以為是貓廁穿底.....
沒辦法,唯有diy個小裝置,渡走部分流水,起碼夜晚不會被水聲吵醒(水聲大到似黑雨)
相信佢今季水費都......

前兩天通知租客回來了,說今個星期就去修
我們放了個死亡筆記裝置(強吧?!!),發現兩天沒人開過門
那有人公幹後兩天都不回家?
正想到地產經紀處查問單位是否正在放盤時
管理處說租客找到了,上去確認裝置毁了,memo紙收起了,
周末處理,且看


另外一單超爆笑的對話,希望不會得罪人
話說某日係公司廁所聽到以下一段對話:
女同事A:咦,你買左電視拿?
女同事B:係呀,不過原本都唔想買高清的啦,但係見佢地D價錢差不多,咪買埋囉,睇多幾個台丫嘛
A:咁你即係買埋個機頂盒啦喎
B:唔係呀,我係買左部可以接收高清台的電視機呀
A:哦,咁佢有冇送埋個機頂盒比你呀?
B:吓!送?點送呀?舊野好貴架!二千蚊呀!
A:但係你買視喎,買左咁貴野都唔送?
B:冇呀,不過如果係佢度一次過買埋就平兩百囉,我去左第二間買
A:哦,係喎,咁你部電視買左幾錢呀?
(終於到戲肉!即刻全神貫注咁聽埋先出廁格!收吓風,而家咩行情嘛)
B:同我心目中既價錢都差不多啦,仲平左少少添!
26吋4000蚊!
A:...........................(我都同佢一齊無言...........)

呢位後生女...雖然你都算係OL,呢D知識可能係貧乏少少,之但係連我家伯母都知既野,應該升級為常識,身為一個REPXXXER.......
怪唔之得,我地個倉D公信力會咁......
怪唔之得