團聚

今日約左細佬栗子一齊去打針
兩兄弟成個月冇見面,唔知仲認唔認得?
去到診所,原來媽媽nana都一齊黎打針喎
一打開個貓袋,大鑊!!點解亞媽咁細粒??!!!
兩兄弟同媽咪差不多size!
上下磅,哇!nana得果3kg多一點
栗子有2.34k,弊!!蝦米得2.32k!
一路以黎個體重lead住細佬的蝦米,離開媽媽一個月後,比細佬後來居上左!
原來係因為細佬到而家都仲偶然飲下媽媽的奶,
蝦米就完全戒左奶,連奶粉都唔飲,所以細佬重過佢

睇完醫生,梗係上去探下爸爸八子啦,
一家四口重聚,難得係大家都冇陌生感,都相處得幾好,蝦米仲同栗子打左幾個round添

但係主人亞力未返屋企,又好耐冇見過蝦米,所以佢提議蝦米仔不如係佢屋企過一晚,聽朝先送佢返黎比亞餃姐姐
好呀!一家人團聚下好呀!就咁決定啦!
我就無啦啦多左d行街時間添^^
返到屋企,見亞餃姐姐並無為唔見左小米有乜特別反應(可能覺得有安樂覺訓下添)
但係望多兩眼,都見佢好似唔係好開心咁,個樣有少少愁.....或者都有少少掛住細佬米啦
唔知小米有冇都掛住餃姐呢?