放工奇聞

頭先放工,搭同事的順風車走,由於要讓架廠車行先,所以遲左幾分鐘先開車
點知轉左兩個灣,突然見到有架警車閘前面架私家車,
心諗,咦?乜d警車咁霸道架....
點知佢閘完架車,個車頂頂就開始閃燈,一路行到去一排旅遊巴的旁邊,d旅遊巴後面就泊左架白色私家車
係呢個時候,架白色車駛出黎,好似想繞過架警車咁.....(so笨星!邊有可能過到姐!!)
跟住就有四個差人跳落車,手按腰,喝車上的人落車(好大聲!)好似有兩個人落左車,載我果位同事即時醒目,關窗鎖門!(聽唔到出面講乜添!)又見到有個阿sir開佢車尾箱!咩事?咩事??? 過左十零秒後,我地前面架車個司機都落左車,行前去睇(呢個時間,呢個地點,唔通係.....記者??),果然見佢拎住部電話報料,呢個時候,又有一架b~bu b~bu係對面線黎到然後,後面又有一架採訪車到左,三,四個記者上前,再後面又黎緊兩架b~bu b~bu!(前後唔夠三分鐘就四架車咁多@@) 咦?!!!唔通有戲唱?!!獨家圖片呀!!升紙呀!!!加人工呀~~~~~~(發夢~!!@@) 哎吔,d八掛因子係度蟻咬咁啦.......好想知,好想知~~~~~~咩事呢,最衰阿sir"征求"我地倒車兜路走啦@@聽日返工一定要收下料先得...真係好鬼想知呀~~~!!!!