16.08.08

終於開光啦!!!
咳~咳~.....係我張陳年回鄉卡.........
一來為左同兩老親子活動,二來為左買書,
對於回國有童年影的我,終於踏出十年第一步
好彩,上年經歷左一段俄國之旅,對今次行程都有少少信心

又係諗住晨早起身,結果都係要搞到十一點半#_#
先到天水圍,然後跟老細,兩老,同朋友仔一個集合,兩點半出發

搭左架B2巴士,比左八個半
行左十分鐘,經過流浮山,白泥一帶蠔場之後,係橋上面行多五分鐘,就到左深圳灣口岸
真係快到無影!

然後又比左兩蚊人仔,兩老帶路搭公車去到地鐵站,向書城出發
係地鐵站,見到好好笑既電梯,超龜速爬 升....幾條友笑左好耐.....
(點知之後去到書城先知,原來係節能電梯,有人企係上面先會加速架!!!!突然覺得自己好喱!@@@@@@@@!!!)

我都想試限量之翼,兩老試左,好似限量售二千幾萬隻@@
三點幾,個肚開始打鼓,求其食個包先,都咪話,十五蚊個,幾貴吓(包熱腸凍@@)
係書城殺完之後,朋友提議食小羊羊,好呀,反正佢地未食過
去到門口,哇!九十幾人等位喎......
點知老細攞完飛,話第三張枱,等半個鐘OK,莫名奇妙....咁門口D人等咩呢?

國家真係進步左,等位時,有椅坐,仲有姐姐倒定涼茶比你,同埋有爪子食(又喱多次!)
免費事前涼茶,個杯超神奇!唔識點形容,薄到大力少少都整爛,但係可以拿到係手,又夠力企響度,勁!
食肉獸呀!!!!!呢度係一半既柯打(肉)
碟墨魚滑個碟好勁,渦卷狀
呢度食野,價錢係香港三份一,但分量係香港一倍
上同亞米爸兩條友係香港食,五百幾落樓,今次六條友,剛好五舊!

斬獲:大概十本書(多數教科書,因為有簡體字閱讀困難症!)
再加一隻開幕式DVD,都不過係二百幾,抵!(不包米,栗)
正好開幕冇假放,又冇錄影設備,只看了點聖火
(果幾日當全人類都談論時,你又未睇,真係好想毒聾自己!!!)
剛看到初代克莉斯汀,OH~~雖然冇小維,莎拉小姐也不錯呀
除左阿米爸話聲音精靈化外,我覺得.....佢連外表都開始精靈化.....
有鬼封面果本,好好玩!應該可以笑死成村人!!!

15.08.08

難得放兩日,原本諗住晨早起身去睇戲
點知患左疑似行前夕失眠症後群........
總之典來典去訓唔著,五點典到八點半先開始有少少睡意
然後十點半鬧鐘響,冇理由訓左兩個鐘又起身....算,雖然都係醒住訓,都攤多兩粒鐘先
就係咁miss左場英文版太空奇兵(原本上星期三去睇,點知打風,搞到人地就落畫,冇乜院做)
既然冇英文,唯有中文都殺,點知最近係mega box.....
咪搞!成間院得七行椅,上年中過招,決定以後非imax不入
計落七點左右要過到海,最終去左朗豪最方便

又因為咁,搞到想探小b女計劃又失敗

七點半由fanny手上贖回訂左都唔記得係乜既box set(補相)
真係........又重複.......到他朝有日有藍光版又.......
為左隻film gig.....(不過好似又賺左錢!)

散去扭蛋數粒
過左隔離街老面店,食左個細蓉,面很彈,醃羅白好味

返歸前去無記買左幾個箱
展開物換箱移大工程
仲無啦啦睇左隻艾粒......好無聊....(我話我自己)......


執執下野發現:
FANNY,我都仲WORK!
D電很勁!冇發毛,冇漏水!!!