做咩姐><~~

使唔使咁歎呀?!個樣冧到丫!

哇!屋企有老鼠呀!

唔使驚!我幫你捉左佢!!

吼~~~~~~~~~

如果覺得多餘冇用咪捐比人囉!

我不嬲都唔係好鐘意搭d鐵路類物體!
好似今日火車,又遇到d勁人!

今日係上水站一上車,原本冇乜野,點知架車去到粉嶺,
係我身邊就多左個傾緊電話,廿零歲的女人
佢一路傾一路傾,講講下突然一野就挨埋條柱度,開始做柱女...
好衰唔衰,佢一野就責我隻手,我就不嬲都唔好老皮!見佢咁好禮貌,我都唔會示弱的!
於是乎我就縮開隻手,我用力一野"渣"番落條柱度
佢見佢背脊突然比人"銀"左野,眼睥睥咁就行去隔離條柱度繼續挨.....

當我以為兇走左件正野,安安樂樂咁搭埋果兩個站時
忽然有個阿婆,用佢over160磅既身軀,九吋幾厚既背肌,重重咁戀住我既手背....
再加上佢個斜孭袋果種尼龍面既質感.......
然後又以一種熊人用樹黎抓背既本能,係條柱(佢以為)度左扭右扭時....我終於都忍唔住啦!!!做柱女都睇人呀!!!!!!!!!!!!

我同佢講:阿太太呀...你呢,個背脊"顏"住我隻手,但係我又縮唔到喎,家陣好通.......唔知我應該點做好呢呵?
跟住佢就彈埋佢老公度(我諗係掛?阿伯一個咁囉)
然後用佢僅餘既時間,一直怒睥住我!
人呀!!!!!!!不過係四個火車站姐!兩件!勁人丫~!

噢,原來我又做錯事,又得罪左人添!
I'm FXXXing sorry囉!

果刻我真係咁諗過:上天做佢地既時候,係咪手痕做多左條腰骨比佢地呢?
由細到大我阿娘都教我,呢d係叫左冇腰骨呀!