貴貓出門招風雨?

尋日朝早帶兩隻大帝去打針,
明明話要改番個主人名架嘛,點知捉得貓黎,連針咭都唔鬼記得帶@@
唉~~搵日仲要後補添,不如搵阿八子媽幫手搞掂佢@@

上次又係咁今次又係,唔通亞餃姐一出門就一定要落雨???
好彩係微雨姐,而且今次醒目,叫貨van,來回一舊搞掂,慳左幾廿蚊

隻臭米又衰,去到e生度四圍咁鼠,搞到靚仔e生話我做乜唔放番佢入袋
我都唔想架,個袋一打開,又到餃姐出籠啦,到時捉兩隻,仲死!
終於,靚仔e生都要勒令餃姐減肥肥.......減肥糧,都係時候出動啦...
.冇計,一打開個袋e生即爆:"咁肥既!!!"(我哭@@@@!!!)
又話佢條腸積得比較多便便,佢再肥就會便秘,到時就大鑊喎

到隻眼,原來成日流眼水係因為餃姐天生有幾條眼睫毛倒生,
成日插住對眼佢話下次如果洗開牙,麻醉可以順手用"lart"雞封左個毛孔,
或者將下眼皮割開少少反番塊眼皮落黎......又或者唔做.......

然後又要佢地洗耳仔,明明早兩日睇過好乾淨,點解一睇e生又即時污糟到無倫@@
仲要杜虫,唉~~諗記餵藥又係想死......
原本想同靚仔影番張相,但係聽到隔離手術室係咁"嘟,嘟,嘟......."
都係唔阻佢,隻小動物好明顯已經麻醉左,等緊佢去做手術

餃姐全程怪叫,米米全程呆滯.....但下次一定要買多個大袋,兩隻加埋好重!

亞米爸試作一號:南瓜笨蛋

近日兩大兵家必爭地盤